Саміт лідараў краін ЕС адкрыўся ў Бруселі

Брэксіт і яго наступствы для адзінай Еўропы, далейшы лёс антырасійскіх санкцый, адказы на гандлёвыя пошліны ЗША - такія тэмы двухдзённага саміту лідараў краін Еўрапейскага саюза, які адкрыўся сёння ў Бруселі. Аднак галоўным выклікам, які патрабуе неадкладных рашэнняў, застаецца праблема масавай міграцыі ў Еўропу. І датычыцца яна не толькі мігрантаў, якія зноў прыбываюць, але і тых, хто ўжо знаходзіцца на тэрыторыі краін ЕС, іх перамяшчэнняў унутры Еўрасаюза. Патрабуюцца і агульныя палітычныя рашэнні, і пэўныя прыкладныя крокі па пераадоленні цяжкага крызісу.

Фрэдэрыка Магерыні, вярхоўны камісар ЕС па замежных справах і палітыцы бяспекі: 

"Я выступаю з прапановай аб вылучэнні дзяржавамі - членамі ЕС сродкаў для мэтавага фонду дапамогі Афрыцы. Трэба выконваць распрацаваныя праекты аб транзіце з афрыканскімі краінамі. Гэта прыносіць свае вынікі. Варта ўмацаваць сумесныя дзеянні са службамі берагавой аховы Лівіі. Ёсць праблема з цэнтрамі высадкі мігрантаў. Усе гавораць пра крызіс, але не варта паддавацца паніцы".

Петэр Пелегрыні, прэм'ер-міністр Славакіі: 

"Самы вялікі прыярытэт на дадзены момант у тым, каб абараніць нашу знешнюю мяжу. Пачынаць трэба з гэтага, а потым ужо абмяркоўваць тое, што адбываецца ў Еўрапейскім саюзе".

Задача - спарадкаваць другасную міграцыю ўнутры ЕС.