Самы вялікі феерверк у свеце запусцілі ў Каларада

Яго снарад важыў больш за тону. Каб падняць у паветра такую махіну, піратэхнікі патрацілі сем гадоў падрыхтоўкі. Феерверк запусцілі падчас штогадовага зімовага фестывалю ў горадзе Стымбаўт-Спрынгс. Снарад падарваўся на вышыні амаль 700 метраў, афарбаваўшы неба ў насычана чырвоны колер. Паглядзець на цуд сабраўся амаль увесь горад. Запуск занесены ў Кнігу рэкордаў Гінеса.