Санду заявіла аб намеры перавыбрацца на пасаду прэзідэнта Малдовы

Мая Санду ў дзень трэцяй гадавіны на пасадзе прэзідэнта Малдовы аб'явіла аб рашэнні балаціравацца на другі тэрмін. Паводле інфармацыі агенцтва "Блумберг", яна рыхтуецца да перавыбрання для таго, каб прадоўжыць рэалізацыю праеўрапейскай палітыкі.

Лідар Малдовы таксама заявіла аб намеры ў 2024 годзе ініцыяваць усенародны рэферэндум па пытанні далучэння краіны да Еўрасаюза. Вось толькі звыш 60 % грамадзян краіны не хочуць больш бачыць прэзідэнтам Маю Санду. Аб гэтым сведчаць звесткі апытання, праведзенага Інстытутам маркетынгу і сацапытанняў.