Сенат ЗША адклаў калядныя канікулы

Палітычныя абяцанні ці ледзь могуць кампенсаваць адсутнасць рэальнай дапамогі - апошнім часам і Штаты скарацілі пастаўкі снарадаў Украіне больш як на 30 працэнтаў. Каб абмеркаваць дадатковыя асігнаванні, cенат адклаў калядныя канікулы.

Палата прадстаўнікоў, дзе большасць у рэспубліканцаў, адмовілася ад прыкладу сенатараў і пакуль збіраецца вярнуцца да працы толькі ў студзені.

Што датычыцца паставак з еўрапейскіх краін, яны таксама далёка не ў ранейшых аб'ёмах, але працягваюцца. Германія перадала Узброеным сілам Украіны другі зенітны ракетны комплекс Patriot і боепрыпасы. Акрамя гэтага, за апошні тыдзень ВСУ таксама атрымалі ад Берліна дзевяць гусенічных усюдыходаў.