Серыя выбухаў на захадзе Афганістана

У правінцыі Фарах загінулі 11 чалавек, сярод іх жанчыны і дзеці, 31 - атрымаў траўмы. Паводле інфармацыі мясцовых СМІ, выбух прагрымеў пасля таго, як аўтобус, які накіроўваўся з правінцыі Герат у Кабул, наехаў на міну. А ў горадзе Джэлалабад - на ўсходзе краіны - выбух адбыўся недалёка ад цэнтральнай бальніцы і дэпартамента па міграцыі. У раёне здарэння, паводле слоў відавочцаў, была чутная страляніна. У цэлым у Афганістане за апошнія тры месяцы колькасць ахвяр сярод грамадзянскага насельніцтва рэзка вырасла. Забіта 160 чалавек і амаль паўтысячы атрымалі раненні.