Наступны запуск пілатуемага карабля да МКС пераносіць не будуць

Папярэдне, паводле слоў прадстаўнікоў Раскомаса, старт адбудзецца ў снежні. Хто паляціць - стане зразумала пазней. Магчыма, гэта будуць дублёры цяперашняга экіпажа - Алег Кананенка і канадзец Давід Сен-Жак. Што датычыцца касманаўта Аляксея Аўчыніна і астранаўта Ніка Хейга - іх палёт магчымы вясной. Сёння яны вярнуліся ў Зорны гарадок. Адчуваюць сябе добра. Тым часам працягвае працаваць камісія па расследаванні аварыі "Саюза". Вынікі абяцаюць апублікаваць да 25 кастрычніка. Асноўная версія ўжо вядомая. Пры раздзяленні першай і другой ступені адбылося сутыкненне іх элементаў.