СМІ: Сутыкненні ў наваколлях Эс-Сувейды спыніліся

Баявыя сутыкненні ў Эс-Сувейдзе ў Сірыі цалкам спыніліся, паведамляюць СМІ. Сітуацыя нармалізавалася пасля таго, як два дні назад пад ціскам ЗША ізраільцяне і афіцыйны Дамаск паабяцалі адвесці войскі.

Нагадаем, сітуацыя ў сірыйскай правінцыі Эс-Сувейда абвастрылася пасля таго, як там аднавіліся сутыкненні паміж друзамі і бедуінамі, якіх падтрымліваюць праўрадавыя групоўкі. У сутыкненнях загінулі больш за 200 чалавек. Дзясяткі тысяч людзей былі вымушаны пакінуць свае дамы. На гэтым фоне Ізраіль, у якім друзы складаюць значную суполку, нанёс серыю авіяўдараў па Дамаску.

Фота РІА Навіны