Сочы апынуўся ва ўладзе непагадзі: затопленыя вуліцы, разбураныя дарогі, пад ваду сышлі дамы

Праліўныя дажджы абрынуліся на чарнаморскае ўзбярэжжа Расіі. У Адлеры мінулай ноччу выпала 100 міліметраў ападкаў. У наваколлях Сочы пачалася эвакуацыя насельніцтва з пасёлка Мірны: затопленыя вуліцы, часткова або цалкам сышлі пад ваду 150 дамоў.

Сітуацыя ў рэгіёне застаецца вельмі сур'ёзнай на працягу некалькіх дзён. Ліўні сталі прычынай падтапленняў, патокі вады выносілі аўтамабілі, змывалі пабудовы, руйнавалі асфальтавае пакрыццё дарог.

Сіноптыкі папярэджваюць - жыхарам рэгіёна варта рыхтавацца да далейшых выпрабаванняў: дажджы ў найбліжэйшыя суткіне спыняцца.