Сотні птушанят вылупіліся з выкінутых на сметнік сапсаваных яек

Нашэсце куранят у Грузіі - з выкінутых на сметнік сапсаваных яек вылупіліся сотні птушанят. Кураняты разбегліся па ўсім горадзе. Жыхары выкладваюць у сацсеткі відэа сапраўдных курыных уцёкаў. Як тлумачаць у мэрыі, мясцовая птушкафабрыка выкінула яйкі, палічыўшы тавар сапсаваным, аднак на сметніку аказаліся спрыяльныя ўмовы, як калі б яйкі выседжвала курыца. У выніку кураняты з'явіліся на свет. Самыя актыўныя дабеглі амаль да цэнтра горада.