Сотні тысяч жыхароў Перу аказаліся ў галечы

Жорсткія сутыкненні з паліцыяй у Ліме. Тысячы людзей самавольна перасяліліся на пусты ўчастак, дзе горназдабыўная кампанія здабывае пясок для вытворчасці бетонных блокаў. Праваахоўнікі вырашылі прагнаць іх слёзатачывым газам, у адказ нелегальныя жыхары пасёлка пачалі падпальваць аўтамабілі і шыны, кідалі ў паліцэйскіх камяні.

Урадавыя чыноўнікі раней заяўлялі, што не будуць складаць план перасялення для сем'яў, заклікаючы іх вярнуцца ў свае "дамы". Эканоміка краіны вельмі пацярпела ад абмежаванняў, выкліканых пандэміяй. Згодна з ацэнкамі ўрада, ВУП упаў на 11 пунктаў. Сотні тысяч людзей аказаліся ў галечы, што пагоршыла жыллёвую праблему.