Спроба нумар два - у Румыніі прызначылі новую дату прэзідэнцкіх выбараў

У Румыніі абвясцілі дату паўторных выбараў прэзідэнта - першы тур адбудзецца 4 мая, другі - 18 мая.

Нагадаем, у пачатку снежня Канстытуцыйны суд Румыніі прыняў беспрэцэндэнтнае рашэнне адмяніць вынікі першага тура прэзідэнцкіх выбараў з-за скандалу вакол кампаніі Келіна Джэарджэску. Незалежнага кандыдата, які нечакана перамог у першым туры, абвінавацілі ў арганізацыі кампаніі ў TikTok з дапамогай замежнага ўмяшання. Аднак пазней высветлілася, што яго дзейнасць фінансавала адна з румынскіх партый.