ЗША аб'явяць аб планах продажу зброі Ізраілю

Вашынгтон непрыкметна нарошчвае пастаўкі зброі ў Ізраіль. Два ключавыя дэмакраты ў амерыканскім кангрэсе пагадзіліся адобрыць буйны продаж узбраенняў краіне - інфармуе "Вашынгтон Пост".

Удакладняецца, што гэтае рашэнне прынялі на фоне націску з боку адміністрацыі прэзідэнта ЗША Байдэна. У буйную партыю ўзбраенняў на суму 18 млрд долараў увойдуць у тым ліку 50 знішчальнікаў F-15.

Аўтары публікацыі ўдакладняюць, што здзелка наўрад ці будзе заблакіравана кангрэсам і стане адным з найбуйнейшых продажаў зброі Ізраілю з пачатку абвастрэння палесціна-ізраільскага канфлікту ў кастрычніку мінулага года.