ЗША разглядае магчымасць паставак Украіне ракетных сістэм Patriot

Канцлер Германіі Шольц паабяцаў паставіць яшчэ больш "Гепардаў" Кіеву. Тым часам кіраўнік МЗС Украіны паспяшаўся пахваліцца ў "Твітары", што Іспанія таксама ўдзельнічае ў пастаўках. Міністэрства абароны ЗША разглядае магчымасць паставак Украіне ўсіх відаў ракетных сістэм, у тым ліку Patriot.

У Крамлі на такія навіны адрэагавалі вокамгненна. Дзмітрый Мядзведзеў заявіў, што калі НАТА паставіць Украіне гэтыя комплексы і падасць свой персанал, то Вашынгтон адразу стане "законнай мэтай" Узброеных Сіл Расіі.