Стала вядомая праграма 75-га Венецыянскага кінафестывалю

Стала вядомая праграма 75-га Венецыянскага кінафестывалю. У галоўным конкурсе - два дзясяткі работ. Сярод іх - гучны праект Альфонса Куарона "Рым", "Фаварытка" Ёргаса Лантымаса, "Балада Бастэра Скрагса" братоў Коэнаў і вестэрн Жака Адзіяра "Браты Сістэрс". Міжнароднае журы фестывалю ўзначаліць рэжысёр Гільерма дэль Тора, летась ён атрымаў "Залатога льва" за "Форму вады". Адкрыецца агляд фільмам Дэміена Шазела "Чалавек на Месяцы" - гэта біяграфічная драма пра астранаўта Ніла Армстранга і місію "Апалон-11". Галоўную ролю выканаў Раян Гослінг. У беларускі пракат карціна павінна выйсці ў лістападзе.