Сутыкненні мітынгоўцаў з паліцыяй працягваюцца ў Ерэване

Мінулай ноччу ў Ерэване прадоўжыліся сутыкненні мітынгоўцаў з паліцыяй. Вечарам праціўнікі прэм'ера Пашыняна сабраліся на цэнтральнай плошчы армянскай сталіцы, каб выказаць сваю нязгоду з капітуляцыяй у Карабаху. Супрацьстаянне вылілася ў жорсткія сутыкненні з вартавымі парадку. Затрымана 46 чалавек.

Армянская апазіцыя аб'явіла аб пачатку кругласутачных акцый пратэсту з патрабаваннем адстаўкі Пашыняна. У сваю чаргу на сустрэчы са сваімі прыхільнікамі ў парламенце армянскі прэм’ер заявіў, што сыходзіць не збіраецца.

Між тым напярэдадні адбыліся перамовы паміж азербайджанскім бокам і прадстаўнікамі Карабаха: бакі не раскрывалі падрабязнасці, але, наколькі можна меркаваць, афіцыйнаму Сцепанакерту прапанавана капітуляваць без усякіх папярэдніх умоў.