Краіны працягваюць выходзіць з карантыну

У Бразіліі ўлады працягваюць адмяняць адно карантыннае абмежаванне за адным. У Рыа-дэ-Жанэйра адкрыліся ўсе рынкі, хоць гэта і месцы масавай колькасці людзей. Прэзідэнт краіны Балсанару аб’явіў пра пачатак рэалізацыі плану па падтрымцы сяла. Паводле яго слоў, аграрны сектар не атрымалася забіць эпідэмічнай паніцы.

У Германіі аб’явілі аб вяртанні да нармальнага рэжыму працы школ і дзіцячых садоў. Такое рашэнне прынялі кіраўнікі ўсіх федэральных земляў пасля сустрэчы з канцлерам Ангелай Меркель. Школы і дзіцячыя сады закрыліся ў сакавіку, а ў маі толькі часткова аднавілі сваю працу. Пасля канікул школьнікі працягнуць вучобу згодна са звычайным раскладам.

У Парыжы амаль завяршылі адмену эпідэмічных абмежаванняў. Працуюць цырульні, дробныя і буйныя магазіны, рэстараны і кафэ. Услед за сталіцай адкрываюцца рэгіёны. Сімвал Парыжа - Эйфелева вежа - пакуль закрытая, але ў ёй пачалі правяраць ліфты і прыбіраць памяшканні. У наступны тыдзень вежа папрацуе ў тэставым рэжыме, а для турыстаў адкрыецца 25 чэрвеня.

Італьянскі ўрад (хоць і не адкрыў фармальна школы) даў дазвол на правядзенне іспытаў. 35 тысяч вучняў выпускных класаў сустрэліся з экзаменатарамі ў вялізных пустых кабінетах і з захаваннем сацыяльнай дыстанцыі. Нягледзячы на апаску, адмяняць іспыты ўлады не палічылі магчымым: гэта магло паставіць крыж на кар'ерных перспектывах дзясяткаў тысяч маладых людзей.