Тэракт у Кабуле: не меней за 12 чалавек загінулі

Больш за 30 параненыя. Паводле звестак паліцыі, смяротнік падарваўся ля будынка Міністэрства сельскай гаспадаркі. Праваахоўнікі мяркуюць, што напад быў загадзя спланаваны, паколькі выбух прагучаў у момант, калі супрацоўнікі ведамства пакідалі рабочыя месцы.

Пакуль ні адна з груповак не ўзяла на сябе адказнасць за атаку. Узброеныя напады з вялікай колькасцю ахвяр у Кабуле адбываюцца рэгулярна. Палітолагі лічаць, што атакі паказваюць на пагаршэнне сітуацыі з бяспекай перад парламенцкімі і мясцовымі выбарамі ў краіне, прызначанымі на 20 кастрычніка.