Тэракт у мячэці Пакістана - загінулі 34 чалавекі, пацярпелі каля 150

У Пакістане расце колькасць ахвяр тэракта ў мячэці Пешавара. Падчас ранішняй малітвы смяротнік прывёў у дзеянне схаваны на сабе зарад. Загінулі 34 чалавекі, пацярпелі каля 150. Частка будынка абвалілася, людзей давялося даставаць з-пад завалаў.

У горадзе ўведзены рэжым надзвычайнага становішча. Адказнасць за тэракт не ўзяла на сябе ні адна злачынная групоўка. Хутчэй за ўсё, мэтай тэрарыста былі сілавікі - мячэць размяшчаецца недалёка ад паліцэйскага ўчастка.