Тэрэза Мэй раскрытыкавала міграцыйную палітыку Дональда Трампа

Тэрэза Мэй раскрытыкавала міграцыйную палітыку Дональда Трампа, згодна з якой дзяцей разлучаюць з бацькамі, што нелегальна перасеклі мяжу з Мексікай.

Ужо ў гэтую нядзелю праблемы міграцыйнага крызісу ва ўсім свеце абмяркуюць на саміце, які склікалі Меркель і Макрон. Калі Італія наадрэз адмовілася прыняць гуманітарнае судна з чарговай групай бежанцаў, спрэчкі вакол гэтай праблемы ўспыхнулі з новай сілай. А ў Германіі ўзнікла пагроза расколу кіруючай кааліцыі. Паводле звестак міжнароднай арганізацыі па міграцыі, з пачатку года ў Еўропу прыбыло больш чым 40 тысяч нелегалаў.