Турцыя можа пакінуць НАТА праз паўгода

У НАТА магчымы сур'ёзны раскол. З-за правакацыйных дзеянняў супраць Анкары Турцыя можа пакінуць альянс. Гэта заявіў намеснік старшыні турэцкай партыі "Радзіма". "Турцыя пакіне НАТАпраз 5-6 месяцаў. НАТАсваімі правакацыямі вымушае нас зрабіць гэта. Яны спрабуюць супрацьпаставіць нас нашаму суседу - Грэцыі. Яны спрабуюць уцягнуць нас у вір на Блізкім Усходзе. Нарэшце, вы бачыце - акцыі супраць Карана ў Швецыі і Нідэрландах", - сказаў палітык. Ён адзначыў: апошнія апытанні паказалі, што не менш за 80 працэнтаў насельніцтва Турцыі ўпэўнены, што ЗША - гэта краіна, якая праводзіць найбольш варожую і разбуральную палітыку ў дачыненні да рэспублікі. Нагадаем, раней партыя "Радзіма" паведаміла аб пачатку агульнанацыянальнай кампаніі "Выйдзем з НАТА". Члены партыі плануюць праводзіць мітынгі і пратэсты супраць баз альянсу ў краіне.