У Белым доме перасцерагаюць Ізраіль ад неабдуманага адказу Ірану

Ізраіль не павінен наносіць удары па нафтавых радовішчах Ірана. Белы дом заклікаў Тэль-Авіў, які рыхтуецца да дзеянняў у адказ на ракетную атаку Ірана, праявіць асцярожнасць.

Нагадаем, згодна з паведамленнямі СМІ, менавіта знішчэнне іранскай энергагаліны разглядаецца Ізраілем як адзін з найбольш магчымых адказаў Тэгерану. Там у сваю чаргу адзначылі, што калі Ізраіль пойдзе на гэта, будуць распачаты сіметрычныя дзеянні.

"Іран - вялікая краіна з мноствам эканамічных цэнтраў, а ў Ізраіля ёсць 3 электрастанцыі і некалькі нафтаперапрацоўчых заводаў. Тэгеран можа нанесці па іх удар адначасова", - заявіў камандуючы Корпусам вартавых ісламскай рэвалюцыі Алі Фадаві.