У Малі баевікі напалі на школу жандармерыі і аэрапорт - больш за 70 чалавек загінулі

Неспакойна ў Заходняй Афрыцы. Да 77 чалавек узрасла колькасць ахвяр тэрактаў у Малі. Больш за 200 пацярпелых.

Напярэдадні тэрарысты атакавалі школу паліцыі і аэрапорт. Калі ў навучальнай установе прагрымелі ўзрывы, завязалася перастрэлка. Узброеным сілам краіны атрымалася адбіць атаку тэрарыстаў. Паводле звестак СМІ, большасць загінуўшых - курсанты нацыянальнай гвардыі.

З-за нападу на міжнародны аэрапорт доступ да яго быў часова абмежаваны.

Адказнасць за тое, што здарылася, узялі на сябе баевікі "Групы падтрымкі ісламу і мусульман", звязаныя з "Аль-Каідай".

Як адзначаюць назіральнікі, атака тэрарыстаў на Бамака адбылася на наступны дзень пасля першай гадавіны стварэння ўладамі Буркіна-Фасо, Малі і Нігера Альянсу дзяржаў Сахеля - рэгіянальнай арганізацыі калектыўнай абароны.