У ЗША колькасць затрыманых нелегалаў дасягнула амаль 55 тыс. чалавек

У ЗША працягваюцца пратэсты. Для рэагавання на акцыі ў Лос-Анджэлес прыбудуць каля 700 марпехаў. Акрамя таго, у горад было накіравана больш як 4 тысяч нацгвардзейцаў.

За 2 гадзіны да наступлення каменданцкай гадзіны тут адбыўся чарговы марш пратэсту. Супраць дэманстрантаў накіравалі конныя атрады паліцыі і прымянілі святлошумавыя гранаты.

Суткамі раней за парушэнні каменданцкай гадзіны было затрымана каля 500 удзельнікаў акцый.

Хваля пратэстаў супраць жорсткай міграцыйнай палітыкі адміністрацыі Трампа ўжо ахапіла гарады ў 10 штатах і ў сталіцы краіны - Вашынгтоне. Акцыі праходзяць у Нью-Ёрку, Чыкага, Сан-Францыска, Бостане, Філадэльфіі, Лас-Вегасе і іншых буйных амерыканскіх гарадах.

На выхадных запланавана правядзенне пратэстных маршаў у больш як 1500 гарадах. Яны супадуць па часе з грандыёзным ваенным парадам у Вашынгтоне і днём нараджэння Трампа.

Тым часам у ЗША перапоўніліся месцы для ўтрымання затрыманых нелегалаў. Пад вартай ужо каля 55 тысяч, і толькі 41,5 тысяча койка-месцаў.