Супраць кіраўніка і заснавальніка прыватнай ваеннай кампаніі "Вагнер" Яўгена Прыгожына ўзбуджана крымінальная справа

Федэральная служба бяспекі Расійскай Федэрацыі ўзбудзіла крымінальную справу супраць кіраўніка і заснавальніка прыватнай ваеннай кампаніі "Вагнер" Яўгена Прыгожына ў сувязі з заклікам да ўзброенага мецяжу.

Паводле звестак тэлеграм-канала РІА Навіны, ваенная тэхніка "Вагнера" ўвайшла ў Растоў-на-Доне, сітуацыя ў горадзе напружаная, але ў цэлым спакойная. У горадзе адменены ўсе масавыя мерапрыемствы. У Варонежскай вобласці, а таксама ў Маскве і Маскоўскай вобласці ўведзены рэжым контртэрарыстычнай аперацыі. У Ліпецкай вобласці адменены ўсе масавыя мерапрыемствы.

Кіраўніцтва Расіі прымае меры для таго, каб не дапусціць эскалацыі падзей.

У сувязі з сітуацыяй вакол кіраўніка ПВК "Вагнер" са зваротам да народа выступіў Прэзідэнт Расіі Уладзімір Пуцін. Паводле яго слоў, улада не дапусціць паўтарэння трагедыі грамадзянскай вайны, і арганізатары мецяжу адкажуць за здраду Радзіме.

Расійскія сілавікі пачалі праводзіць вобыскі ў будынку "ПВК Вагнер Цэнтра" ў Санкт-Пецярбургу. Гэта паведамляе выданне "Фантанка" ў тэлеграм-канале. Таксама людзі ў масках і з аўтаматамі працуюць каля гатэля і рэстарана, якія звязваюць з заснавальнікам "Вагнера" Прыгожыным.

Раней у ФСБ і Мінабароны РФ заявілі: інфармацыя, якая распаўсюджваецца ў сацсетках ад імя Яўгена Прыгожына аб нібы нанесеных Мінабароны РФ ракетна-бомбавых ударах па "тылавых часцях ПВК "Вагнер", не адпавядае рэчаіснасці, з'яўляецца інфармацыйнай правакацыяй. Як заяўлена, кіраўніцтва Расіі прымае меры для таго, каб не дапусціць эскалацыі падзей.