Украіна выключыць частку мяжы з Беларуссю з зоны адчужэння ЧАЭС

Украінскія ўлады вырашылі выключыць участак мяжы з Беларуссю з зоны адчужэння Чарнобыльскай АЭС. Паводле паведамленняў МУС Украіны, на такі крок пайшлі, каб узмацніць абарону і кантроль за прыгранічнай вобласцю.

У прыватнасці, размова ідзе пра 50-метровую паласу ўздоўж граніцы з Беларуссю, якая праходзіць у межах зоны адчужэння і зоны абавязковага адсялення. Гэта тэрыторыя знаходзіцца ва ўласнасці Чарнобыльскага радыяцыйна-экалагічнага біясфернага запаведніка.