Паспяхова завяршылася выратавальная аперацыя ў Тайландзе

Выратавальная аперацыя, за якой больш як два тыдні сачыў увесь свет, паспяхова завяршылася. Гадзіну таму ў Тайландзе атрымалася вывесці з затопленай пячоры хлопчыка і 25-гадовага трэнера. Такім чынам, усе 12 падлеткаў жывыя і ўжо знаходзяцца ў шпіталі на рэабілітацыі. Фізічны стан школьнікаў амаль у норме, а вось псіхічны яшчэ трэба праверыць спецыялістам. Кіраўніцтва школы дазволіла дзецям, якія перажылі няпростае выпрабаванне, іспыты па выніках года здаваць з адтэрміноўкай. 

Паміж тым дактары забаранілі выратаваным хлопцам прыляцець на фінал чэмпіянату свету па футболе. Нагадаем, раней на выніковы матч школьнікаў запрасіў прэзідэнт ФІФА.