Павялічылася кольасць ахвяр выбуху ў адной са шматпавярховак Кіева

Пад заваламі знойдзена яшчэ адно цела - такім чынам, загінулі тры чалавекі. Даху над галавой пазбавіліся амаль 500 жыхароў. Іх часова размясцілі ў інтэрнаце. Нагадаем, моцны выбух прагрымеў напярэдадні ў 10-павярховым доме. Паводле папярэдняй версіі, адбылася ўцечка газу. Мясцовыя жыхары паведамляюць, што ўвесь мінулы тыдзень у доме праводзілі праверку газавага абсталявання.

Пасля гэтага ў пад'ездзе з'явіўся ўстойлівы пах газу. Дакладную прычыну здарэння зараз устанаўлівае следства. На думку спецыялістаў, дом прыйдзецца знасіць, бо аднавіць яго немагчыма - вялікая верагоднасць поўнага абвальвання.