Узброены захоп улады рыхтаваўся ў Германіі

У Германіі 8 чалавек падазраюцца ў змове з мэтай усталяваць неанацысцкі рэжым ва ўсходніх землях.

Арыштавана група ўдзельнікаў арганізацыі "Саксонскія сепаратысты". Больш чым 450 паліцэйскіх з Саксоніі, Аўстрыі і Польшчы правялі аблавы ў сваіх краінах.

Змоўшчыкі планавалі аддзяленне Саксоніі ад астатняй Германіі і ўстанаўленне там нацыянал-сацыялістычнай дзяржавы. Члены групоўкі перакананыя, што іх краіна знаходзіцца на грані сацыяльнага і дзяржаўнага краху, які чакаецца ў нейкі "Дзень Ікс".

"Саксонскія сепаратысты" - паслядоўнікі Гітлера - рыхтаваліся да этнічных чыстак: праходзілі ваенную падрыхтоўку з выкарыстаннем зброі.