У Арменіі ДТЗ - адна беларуска загінула

У Арменіі на трасе Ерэван - Сісіян адбылося ДТЗ з удзелам 4 грамадзян Беларусі. У выніку аварыі адна беларуска загінула. Яшчэ трое грамадзян нашай краіны былі накіраваныя ў медыцынскую ўстанову для дадатковага абследавання. Пасольства Беларусі ў Арменіі знаходзіцца ў кантакце з армянскімі і беларускімі кампетэнтнымі органамі, гатова аказаць усё неабходнае консульска-прававое садзейнічанне. У міністэрстве выказалі спачуванні і словы падтрымкі родным і блізкім загінуўшай.