У Багдадзе падпалілі пасольства Швецыі

Некалькі гадзін таму ў сталіцы Ірака мітынгоўцы захапілі пасольства Швецыі. Адразу пасля штурму будынак дыпламатычнага прадстаўніцтва быў падпалены.

Гэта стала адказам на некалькі нядаўніх акцый у Швецыі, падчас якіх быў спалены Каран. Здзек са свяшчэннай кнігі мусульман выклікаў хвалю пратэстаў у ісламскім свеце і, відаць, каштаваў Стакгольму членства ў НАТА. Афіцыйная Анкара тады выказала абурэнне актам вандалізму і працягвае адкладваць адабрэнне прыёму Швецыі ў альянс.