У ЕС з сем'яў украінскіх бежанцаў адабрана 240 дзяцей

Украінскія ўлады паведамляюць, што ў ЕС зафіксавана не менш за 240 выпадкаў, калі ў сем'яў бежанцаў адымалі дзяцей. Гэты лік можа здацца невялікім, бо, паводле звестак ААН, Украіну пакінулі прыблізна каля васьмі мільёнаў чалавек. Аднак нават украінскі омбудсмэн прызнае, што валодае няпоўнымі звесткамі.

Апроч адабрання дзяцей назіраецца ўсплёск злачынстваў супраць іх: непаўналетніх украінцаў прадаюць і купляюць, яны становяцца аб'ектам самых жахлівых злачынстваў. Ніякіх спосабаў гэтаму супрацьстаяць, відавочна, няма, бо ўлады што ў Бруселі, што ў Кіеве больш увагі надаюць падтрыманню напалу канфлікту, чым рашэнню гуманітарных праблем.