У Германіі не хапае лекаў

У Германіі не хапае лекаў. Гэта паведамляе кіраўнік Асацыяцыі фармацэўтаў краіны. Многія найменні прэпаратаў закупліваліся ў Індыі і Кітаі. Аднак з-за санкцый парушана значная частка лагістычных ланцужкоў, паралізавана дастаўка грузаў у Еўропу праз Расію. Аптэкі хутка пусцеюць, і ў дэфіцыце могуць аказацца самыя неабходныя, а галоўнае даступныя лекі, бо з Індыі і Кітая пастаўляліся недарагія прэпараты. А для немцаў гэта зараз важна: згодна са статыстыкай, за рысай беднасці ў краіне жывуць ужо амаль 16 % грамадзян. Пасля выплаты камунальных і арэндных плацяжоў многім людзям грошай не хапае нават на пражыццё.

Да таго ж значная частка сацыяльных бюджэтаў была накіравана на забеспячэнне ўкраінскіх бежанцаў. Многія рэгіёны Германіі ўжо аб'явілі мараторый на прыём мігрантаў.