У Германіі затрыманы кіраўнік аўтаканцэрна "Аўдзі"

Руперт Штадлер вінаваціцца ў маніпуляцыях з рухавікамі. Дызельны скандал разгарэўся яшчэ ў 2015 годзе вакол кампаніі "Фальксваген" ("Аўдзі" з'яўляецца яе даччыным прадпрыемствам). Тады высветлілася, што праграмнае забеспячэнне на аўтамабілях зніжае паказчыкі выкідаў шкодных газаў у атмасферу. У сувязі з гэтым амерыканскі ўрад абавязаў канцэрн адклікаць сотні тысяч легкавых машын.