У Грэцыі таксісты аб’явілі забастоўку супраць вяртання сэрвісу Uber

На гэты раз вадзіцелі будуць баставаць, пакуль пытанне не вырашаць канчаткова. Таксісты гавораць, што Uber падрывае іх працу. Яшчэ вясной вадзіцелі патрабавалі забараніць інтэрнэт-дадаткі, якія дазваляюць шафёрам без ліцэнзіі "красці працу ў таксістаў". Пры гэтым у канцы мінулага года Еўрапейскі суд пастанавіў, што Uber з'яўляецца транспартнай кампаніяй, а не службай па прадастаўленні лічбавых паслуг, а значыць павінна дзейнічаць па тых жа правілах, што і ўсе астатнія таксаматорныя кампаніі. У Афінах сёння будзе транспартны калапс, бо таксі з'яўляецца адным з самых папулярных спосабаў перамяшчэння.