У Грэцыі затрымалі меркаванага вінаватага ў лясных пажарах

35-гадовы мужчына, магчыма, учыніў пяць падпалаў у раёне Марафон у Атыцы. Яго арыштавалі на месцы злачынства з доказамі. Узгаранні адбыліся адразу пасля трагедыі ў гэтым жа раёне, калі ў выніку ляснога пажару загінулі 90 чалавек. Імя меркаванага злачынца не паведамляецца. Расследаванне працягваецца. Нагадаем, у канцы ліпеня наймацнейшыя ўзгаранні ў Атыцы знішчылі дзясяткі дамоў і цэлыя населеныя пункты. Дакладная колькасць загінуўшых невядома дагэтуль. Паводле апошніх звестак, апазнанае 91 цела. Прычынай пажараў, мяркуюць улады, магло стаць неасцярожнае абыходжанне з агнём, падпал травы і галінак.