У Краснаярскім краі разбіўся верталёт Мі-8

Трагедыя ў Краснаярскім краі Расіі. Тут разбіўся верталёт Мі-8. На борце былі тры члены экіпажа і 15 вахтавікоў-нафтавікоў. Усе яны загінулі. Ужо вядома, што Мі-8 зачапіў вінтом груз іншага верталёта. У ім ніхто не пацярпеў. Палёт выконваўся без дыспетчарскага суправаджэння. А значыць, адказнасць за разлік бяспечных адлегласцяў і выкананне ўсіх манеўраў ляжыць на пілотах. На месцы крушэння знойдзеныя бартавыя самапісцы. Устаноўлена, што судна належыла кампаніі "Ютэйр" і было спраўнае. Борт прайшоў перадпалётны агляд. Заведзена крымінальная справа.