У ЗША пажарныя выратавалі 82-кілаграмовага сенбернара

Кранальная гісторыя з ЗША. У прыгарадзе Мінеапаліса пажарныя выратавалі 82-кілаграмовага сенбернара. Ён захраснуў на казырку прыватнага дома. Па невядомай прычыне сабака па мянушцы Віскі залез на навес і не змог самастойна спусціцца ўніз. Гаспадыня спрабавала выбавіць яго на зямлю сабачымі пачастункамі, але беспаспяхова. Прыйшлося выклікаць пажарную каманду.