У ЗША ўспышка воспы малпаў, у Іспаніі - гепатыт невядомага паходжання

ЗША аб'явілі рэжым надзвычайнага становішча ў сувязі з успышкай воспы малпаў. Міністэрства аховы здароўя краіны заклікае амерыканцаў паставіцца да віруса з усёй сур'ёзнасцю - на сённяшні дзень ім інфікаваныя 6 600 грамадзян краіны. СААЗ раней ужо аб'явіла распаўсюджванне віруса воспы малпаў надзвычайнай сітуацыяй у ахове здароўя. Смяротныя зыходы ў выніку гэтага захворвання зафіксаваныя ў Еўропе, Афрыцы, Азіі, Лацінскай Амерыцы.

З Іспаніі паведамляюць аб смерці двух дзяцей з-за гепатыту невядомага паходжання. Аднаму было шэсць гадоў, другому ўсяго 15 месяцаў. Пацыенты не змаглі перанесці аперацыю па перасадцы печані. Як паведаміла Міністэрства аховы здароўя краіны, гэта першыя смяротныя выпадкі ў Іспаніі, звязаныя з новым захворваннем.

Усяго ў краіне гэты гепатыт быў выяўлены прыкладна ў сарака пяці чалавек. У ліпені, паводле звестак Сусветнай арганізацыі аховы здароўя, у свеце налічвалася больш за тысячу пацыентаў, якія, меркавана, пакутуюць ад новага захворвання. Больш за тое, у 22 выпадках яно прывяло да смяротнага зыходу.