У Цэнтральна-Афрыканскай Рэспубліцы забілі трох расійскіх журналістаў

Трагедыя ў Цэнтральна-Афрыканскай Рэспубліцы. Забітыя трое расійскіх журналістаў. Гэта Кірыл Радчанка, Аляксандр Растаргуеў і Архан Джэмаль. Іх целы знайшлі на дарозе за 23 кіламетры ад горада Сібю. Іх забілі невядомыя ўзброеныя людзі. Аўтамабіль, у якім знаходзіліся расіяне, расстралялі з засады з аўтаматаў. Пра гэта распавёў вадзіцель, якому атрымалася выжыць. МЗС Расіі заявіў пра максімальнае садзейнічанне сваякам загінуўшых. Да высвятлення акалічнасцяў забойства падлучыўся Следчы камітэт Расіі.