У Турцыі і Сірыі працягваюць змагацца з наступствамі землетрасенняў

Афтэршокі і жахлівая статыстыка. Колькасць загінуўшых у Турцыі ў выніку землетрасення набліжаецца да 6 тысяч.

Напярэдадні прэзідэнт краіны Эрдаган аб'явіў 10 правінцый краіны, пацярпелых ад землетрасення, раёнам надзвычайнай сітуацыі. У мясцовых жыхароў у літаральным сэнсе пайшла зямля з-пад ног. Будынкі складваліся як картачныя домікі. Людзі, якія знаходзяцца пад заваламі, запісваюць родным відэа з просьбай аб дапамозе. Завалы разбіраюць усімі сіламі.

У Сірыі колькасць ахвяр вырасла да 1 250. Пацярпелі больш чым 2 тысячы чалавек. Будынкі працягваюць разбурацца і на другія суткі пасля землетрасенняў. Жудасная трагедыя падзяліла жыццё людзей на да і пасля.