Вашынгтон рыхтуе новы этап гандлёвай вайны

Гэтым разам з Кітаем. Прэзідэнт ЗША Дональд Трамп даручыў падрыхтаваць спіс кітайскіх тавараў на суму 200 мільярдаў долараў для магчымага ўвядзення дадатковых збораў на 10 працэнтаў. Такую меру будуць ужываць, калі Пекін і далей стане паднімаць пошліны на амерыканскую прадукцыю. Нагадаем, што ў мінулую пятніцу Трамп аб'явіў рашэнне ўвесці з 6 ліпеня мытныя зборы 25 працэнтаў на тавары, якія вязуць з Кітая ў ЗША. Іх кошт ацэньваецца на 34 мільярды долараў. Кітай заявіў пра меры ў адказ.