Вашынгтон уводзіць новыя санкцыі супраць Масквы з-за "справы Скрыпалёў"

Дзярждэпартамент ЗША пастанавіў, што Расія вінаватая ў атручванні экс-палкоўніка ГРУ Сяргея Скрыпаля і яго дачкі Юліі. Санкцыі ўступяць у сілу 22 жніўня. Спачатку забароняць экспарт у Расію электронных прылад. А праз тры месяцы, калі Крэмль не дасць гарантый больш не прымяняць хімзброю, абмежавальныя меры пяройдуць і ў дыпламатычнае поле. Плануецца і забарона на палёты ў ЗША расійскай авіякампаніі "Аэрафлот", а таксама амаль поўнае спыненне амерыканскага экспарту.