Венгрыя заклікала Украіну да мірных перамоў

Прэзідэнт Венгрыі Каталін Новак распавяла ў інтэрв'ю выданню Index, што на сустрэчы з Зяленскім заклікала яго да мірных перамоў.

Паводле яе слоў, яна выказала ўкраінскаму калегу меркаванне, што для канфлікту, які працягваецца паўтара года, яна не бачыць такога ваеннага рашэння, якое прывяло б да доўгатэрміновага міру. Менавіта таму трэба сесці за стол перамоў. Таксама Новак адзначыла, што падчас нядаўняй сустрэчы ў Кіеве паведаміла пра намер Венгрыі далучыцца да перагаворнага працэсу па "ўкраінскай формуле міру".