У Францыі разгортваецца сапраўдная грамадзянская вайна

Падпаленыя аўтамабілі, феерверкі і пагромы - у Францыі разгортваецца сапраўдная грамадзянская вайна. Пратэсты на вуліцах толькі разрастаюцца. Дэманстрацыі прайшлі ў гарадах Рубэ, Клішы, Рэн. У Тулузе людзі ўчынілі на вуліцах пажар. У паўднёвым прыгарадзе Парыжа актывісты паспрабавалі трапіць у турму горада Фрэн, каб вызваліць зняволеных, але не выйшла - перашкодзіў спецназ. Паміж дэманстрантамі і сілавікамі пастаянна ўспыхваюць сутычкі. Адбываюцца масавыя рабаванні. Затрыманы дзясяткі пратэстоўцаў. Не абыходзіцца без вандалізму.

Масавыя дэманстрацыі пачаліся ў Францыі пасля інцыдэнту, які прывёў да гібелі падлетка. Ён, як сцвярджаецца, адмовіўся выканаць патрабаванні дарожнай паліцыі ў прыгарадзе Нантэр. У выніку сілавікі застрэлілі 17-гадовага цемнаскурага юнака.