Упершыню за 15 гадоў нямецкія медыкі выйшлі на забастоўку

Упершыню за 15 гадоў супрацоўнікі найбуйнейшай у Еўропе ўніверсітэцкай клінікі Шарытэ аб'явілі забастоўку. У 24-гадзіннай стачцы ўзялі ўдзел больш чым 2,5 тысячы ўрачоў і медсясцёр. Яны патрабуюць паляпшэння ўмоў працы і павышэння зарплат. Забастоўка аб'яўлена на фоне перамоў, якія вядзе прафсаюз медыкаў з уладамі Германіі. Сярод патрабаванняў - даплата спецыялістам і старшым урачам, прымальныя штатныя расклады і скарачэнне дзяжурстваў.