Японія збіраецца перадаць ЗША ракеты Patriot

Вашынгтон дамовіўся з Токіа пачаць кансультацыі па пытанні перадачы амерыканскаму боку ракет для сістэм ПРА Patriot. Раней урад Японіі спрасціў правілы экспарту абароннага абсталявання. Папраўкі дазваляюць пастаўляць ракеты ў ЗША і артылерыйскія снарады калібра 155 міліметраў у Вялікабрытанію. Да гэтага Токіа мог экспартаваць у Злучаныя Штаты толькі кампаненты ўзбраення. Рээкспарт у трэція краіны не прадугледжваецца, аднак зараз ЗША змогуць папоўніць запасы на ваенных складах, якія скараціліся з-за дапамогі Кіеву. Акрамя таго, Вашынгтон зможа пастаўляць уласныя ракеты Украіне, а таксама еўрапейскім партнёрам.