З закліку да міру адкрыўся саміт БРІКС у Рыа-дэ-Жанэйра

З закліку да міру адкрыўся саміт БРІКС у Рыа-дэ-Жанэйра, куды прыбылі дэлегацыі краін-удзельнікаў. Прэзідэнт Бразіліі Лула да Сілва, звяртаючыся да прысутных, заявіў аб неабходнасці тэрмінова паглыбіць прамы дыялог з разлікам на спыненне агню і трывалы мір ва Украіне.

Бразільскі лідар дадаў, што група дзяржаў "Сябры міру", у якой удзельнічаюць Кітай і Бразілія, спрабуе вызначыць магчымыя шляхі да завяршэння канфлікту. Акрамя пытанняў глабальнай бяспекі, на саміце абмяркоўваецца развіццё шматбаковасці, а таксама штучны інтэлект у якасці эканамічнага фактару.

Нашу краіну, па даручэнні Прэзідэнта, на форуме прадставіць міністр замежных спраў Максім Рыжанкоў. Дыпламат акрэсліць пазіцыю і ініцыятывы Мінска на пленарных пасяджэннях саміту і правядзе шэраг двухбаковых сустрэч.