Жыхары Еўропы патрабуюць павышэння зарплаты

Хваля пратэстаў і забастовак працягваецца ў Еўропе. У аэрапорце Барселоны ўжо некалькі дзён бастуюць бортправаднікі, патрабуючы павышэння зарплаты на 13 %. Ужо адменены дзясяткі рэйсаў, у тым ліку на ключавыя даты і дзяржаўныя святы. Дамовіцца з работадаўцамі пакуль не атрымліваецца.

З такім жа патрабаваннем выйшлі на вуліцы і жыхары Сафіі. Мітынг быў арганізаваны двума найбуйнейшымі прафсаюзамі краіны. Дэманстранты сабраліся перад будынкам парламента, куды перадалі дэкларацыю з патрабаваннем найхутчэйшага прыняцця бюджэту на наступны год, абароны працоўных правоў работнікаў і падтрымкі найбольш уразлівых катэгорый насельніцтва.

У Парыжы пратэставалі экаактывісты. Група ўдзельнікаў руху "Апошняя рэканструкцыя" заблакіравала кальцавую дарогу ў сталіцы, што прывяло да сур'ёзных затораў.