Жыхарам Украіны пагражае недахоп пітной вады

Аб магчымым абмежаванні або поўным спыненні водазабеспячэння папярэдзіў "Кіеўвадаканал". На сайце прадпрыемства растлумачылі, што прычынай занепакоенасці стала прыпыненне працы на нявызначаны тэрмін кампаніі "Днепр-Азот". Гэта адзіны на тэрыторыі Украіны завод па вытворчасці хлору для абеззаражання пітной вады. Камунальнікі б'юць трывогу, бо на некаторых прадпрыемствах запасы хімікатаў на зыходзе. Іх хопіць толькі на найбліжэйшыя 7-20 дзён. Адзначу, што рашэнне прыпыніць працу кіраўніцтва кампаніі "Днепр-Азот " прыняло з-за высокіх цэн на газ.