"Адно на дваіх": у Мінску здымаюць фільм пра лётчыкаў - Герояў Беларусі
Аўтар:Рэдакцыя news.by
Кінастудыя "Беларусьфільм" пачала работу над новым фільмам "Адно на дваіх". Кінастужка распавядзе аб падзеях 2021 года, калі ваенныя лётчыкі - 23-гадовы лейтэнант Мікіта Куканенка і 34-гадовы маёр Андрэй Нічыпорчык - цаной уласных жыццяў прадухілілі трагедыю ў Баранавічах: адвялі ад жылых дамоў некіруемы ваенны самалёт Як-130. Імёны абодвух назаўжды ўпісаны ў гісторыю - лётчыкі пасмяротна ўдастоены звання "Герой Беларусі".
Карціну пакуль здымаюць у сталіцы, адной з лакацый стаў універмаг "Беларусь". Таксама здымкі пройдуць яшчэ ў чатырох гарадах краіны: у Магілёве, Лідзе, Бабруйску і Баранавічах.
На вялікіх экранах ігравы мастацкі фільм "Адно на дваіх" глядач зможа ўбачыць 19 мая 2026 года.